न्यूज क्लब संवाददाता प्रकाशित : २०७५/४/१७ गते
मकवानपुर १० कात्तिक ।
जिल्ला नापी कार्यालय मकवानपुरमा आगलागी भएको छ । हेटौंडा सानो पोखरा स्थित नापी कार्यालयमा भएको आगलागीबाट १९ जना घाइते भएका छन्।
घाइते हुनेमा कार्यालयका कर्मचारी र सेवाग्राही रहेको प्रारम्भिक जानकारी प्राप्त भएको छ । घाइतेमध्ये १६ जनाको हेटौंडा अस्पताल र ३ जनाको चुरेहिल अस्पतालमा उपचार भइरहेको छ ।
हेटौंडा उपमहानगरपालिकाको दमकल र स्थानीयहरुले आगोलाई नियन्त्रणमा निभाइ रहेका छन् । आगलागीबाट केही कागजात जलेका छन्।
प्रहरीले कार्यालयभित्रका आवश्यक कागजातलाई सुरक्षित स्थानमा सार्ने काम भइरहेको जनाएको छ। कार्यालयको तल्लो तलामा रहेको पसलको ग्याँस सिलिण्डर पड्किएर आगलागि भएको बुझिएको छ ।
घटनाको विस्तृत विवरण आउन बाँकी छ ।
