लुँ स्वां धायेबले लुँ या स्वां धका: थुइकी ! तर थ्व मेगु स्वां त थेँ म्वा:गु धा:सा मखु ! झी नेवा: तय्गु सँस्कारय् लुँ स्वांया त:जिगु महत्व दु ! नेवा: मिसा मचापिंत इही , बा:र्हा: व इहिपा याइबले छ्यनय् छुइगु तिसां तिइकेगु चलन दु ! मेगु तिसाय् थेँ थुकी लुँ , माणिक पन्ना व थी थी रत्न त तया: दय्कात:गुलिं थुकिया महत्व उप्प्व: दु !

झी नेवा: तय्सं थ्व तिसा तिइके फ:सा व तिइ फत धा:सा आपालं गौरब तायेकि ! लुँ स्वां ह्वइगु स्वां थेँ गुब्लेँ न गना मवनिगु , अले ध्वगिना मवनिगु चिँ ख: !

लुँ स्वां छ्यनय् छुना व छुका: भम्चा थ: भा:त पिन्थाय् दुकाइबले छें लक्षिण जुइगु , सौभाग्य जुइगु व नापं छेंया प्रतिस्ठायात ब्वय् फइगु जुया: थ्व तिसाँ तिइगु झीगु पुलाँगु चलन ख: !

अले झीगु सँस्कार व संस्कृति थुकिया बिस्कँ बिस्कँ महत्व दूगु जुल !