काठमाडौं । सैनिक मंच टुँडिखेलमा फूलपातीको हर्षबढाई गरिएको छ । काठमाडौंको वसन्तपुरस्थित दशैंघरमा बडा दशैंको सातौं दिन फूलपाती भित्र्याएपछि सैनिक मंच टुँडिखेलमा विशेष समारोबीच फूलपातीको हर्षबढाई गरिएको हो ।

समारोहमा राष्ट्रपति विद्या भण्डारी, प्रधानमन्त्री केपी ओली, प्रधानन्यायाधीश चोलेन्द्र शमशेर जबरा, राष्ट्रियसभाका अध्यक्ष गणेशप्रसाद तिमिल्सिना, उपप्रधानमन्त्री, मन्त्री, संवैधानिक निकायका प्रमुख, सुरक्षा निकायका प्रमुख लगायतको उपस्थिति रहेको थियो ।

समारोहमा नेपाली सेनाले बढाइका विभिन्न कौशल प्रर्दशन गरेको थियो भने नेपाली सेनाको हेलिकप्टरद्धारा पुष्प वृष्टि तथा तोप बढाई गरिएको थियो ।

नेपाली सेनाले दशैंको फूलपातीको दिन हरेक वर्ष एक विशेष समारोहबीच हर्ष बढाई गर्दै आएको छ । यसै अवसरमा जमरा राखिएका घरमा पनि विधिपूर्वक फूलपाती भित्र्याउने गरिन्छ ।