न्यूज क्लब संवाददाता प्रकाशित : २०७६/६/२५ गते
काठमाडौं । चिनियाँ राष्ट्रपति सी चिनफिङ काठमाडौं आइपुग्नु भएको छ । राष्ट्रपति सी भारतको चेन्नाईबाट विशेष विमानमार्फत काठमाडौं आइपुग्नुभएको हो ।
राष्ट्रपति सी सवार एयर चाइनाको प्रेसिडेन्टल जेट विमान बोइङ ७४७ बाट अपरान्ह सवा ४ बजे त्रिभुवन अन्तर्राष्ट्रिय विमानस्थलमा ओर्लिनु भएको छ ।
सीलाई विमानस्थलमा राष्ट्रपति विद्यादेवी भण्डारीले स्वागत गर्नुभएको छ । राष्ट्रपति सी दुई दिने औपचारिक भ्रमणको लागि नेपाल आउनु भएको हो ।
