मानव विकास सूचकांकमा नेपाल एक स्थानले तल झरेको छ ।
अाज प्रकाशित कान्तिपुर दैनिककाे समाचार अनुसार अन्य मुलुकहरुको गति अनुसार विकास हुन नसक्दा नेपाल मानव विकास सूचकांकमा एक स्थानले तल झरेको हाे ।
संयुक्त राष्ट्रसंघीय विकास कार्यक्रम (यूएनडीपी) ले सार्वजनिक गरेको प्रतिवेदन अनुसार मानव विकास सूचकांकमा नेपाल यस पटक १ सय ४९औं स्थानमा छ ।
१ सय ८९ मुलुकमध्ये सन् २०१६ मा नेपाल १ सय ४८ स्थानमा थियो ।
यस पटक नेपालको मानव विकास सूचकांक ० दशमलव ५७४ छ । सन् २०१६ मा नेपालको मानव विकास सूचकांक ० दशमलव ५६९ थियो ।
यस आधारमा भने नेपालको मानव विकास सूचकांकमा प्रगति भएको देखिन्छ ।
तर, अन्य मुलुकको प्रगति नेपालको भन्दा राम्रो भएकाले स्थान चाहिँ तल झरेको छ ।
यूएनडीपीले मुख्य गरी औषत आयु, शैक्षिक स्तर र क्रयशक्तिका आधारमा प्रतिव्यक्ति आय सूचकहरुको आधारमा मानव विकास सूचकांक निकाल्ने गरेको छ ।
