प्रकाशित : २०७५/६/२९ गते
आज नवरात्रको छैठौं दिन कात्यायनी देवीको विशेष पूजा आराधना गरी मनाइँदैछ ।
हिन्दूहरुकी देवी नवदुर्गाको छैठौं स्वरुप कात्यायनी हो ।
अमरकोषमा पार्वतीको दोस्रो नाम कात्यायनी भनिएको छ ।
स्कन्द पुराणका अनुसार परमेश्वरको नैसर्गिक क्रोधबाट कात्यायनी उत्पन्न भएको उल्लेख छ ।
उनैले सिंहमाथि सवार भएर महिषासुर नामक राक्षसको बध गरेको शास्त्रहरुमा उल्लेख छ ।
कात्यायनी शक्तिको कहिल्यै नसकिने स्वरुपा हुन् ।
